Somos los güeyos
mirando alredor
a la gueta l’horizonte,
picando na puerta,
amburiando la ponte.

Somos la memoria del realcuerdu
que zarra l’escaezu na nueche,
que busca per dientru,
qu’escapa de lluvia llagrimosa
fuxendo del rellugu del tiempu.

Somos lo qu’enxamás tendremos alantre...
lo que dexaremos atrás,
la memoria de lo nuesu,
l'escaezu de los demás...

Puzzle de milenta pieces ensin atopase,
pallabres arrequexaes
mudando pa nenguna parte.