POESÍA

Silenciu de fueyes de ruta,
amargura de tayos en vasos,
güeyos espiertos,
cansaos,
surcu que dexen besos en llabios,
motes de polvu,
paritoriu d’alboraes,
riscares de llunes,
realcuerdos de segundos,
escaezu de pecaos,
filar de telarañes enguedeyaes,
ñacimientu de futuru...
el mio presente percorriendo manes
pausadamente,
caminar de pies,

na tierra,
agrietaos...
será too despidía con arrugues,
fruncir de ceñu
y ecu de sorrises,
furacu...

terrén de vida quemada,

cenices a la mar
y vocación de memoria,
suerte como la rama del romeru...

Mas quedará la poesía como regueru,
siempres asperando
los besos de nuevos versos
y papel p’añerar.