L'augua l.leva rumore d'aire,
pigarzos de tiempos l.lonxanos,
movimientu señardousu en cada regueiru,
ruxe-rux de mil hestorias de dulzura ya sal,
memoria de guoyos ya manos ente la chuvia,
cada gouta que conforma la corriente
arrastra pulo rabión...
beisos tarazaos...
amores que fonon nacencia di fuonte
ya puortazu d'esqueizu...
Mas el ríu de la vida
esnidia siempres
ya trae nuovas auguas
cristalinas...