La mia tierra

La mia tierra, el miou país
yía pequenu ya eternu,
l.labriegu, marineiru,
señardousu, chuviousu,
aliel.lu ya pigarzón,
al.legre, principiu ya fin...





Mia patria, el miou país,
un chuchu nu peitu,
un beisu d'alborecere,
urbayu di fuonte,
puonte al mar abiertu,
esnalare d'andulina,
agonía de cantare sin aliendu,
l.lingua debuxada ente guoyos,
nome de vientu ya augua,
glayíu di purvenir...

La mia tierra, el miou país
yía...
ente nublina ya toixos,
ente chuvia ya turbón,
hestoria ente azul ya gris,
saludo axebráu ente'l l.lar...
escuita cumu te l.laman
-a lo l.lonxe-
los que pur ti agonizan...
miou país...