Artos secos inundan el niegru camín
afogáu d’un tiempu de pisadas
abriendo l.lonxanos sendeiros
agora pechaos
a la tristura del señardousu pasáu.
Las nubes deixan un pasu tímidu de clarión,
vergoñosu pente l’esqueizu,
de lo que foi ya nun tornará.
Xiran las estaciones nun séquitu de condena
abriénduse pasu hacia’l mare,
buscando atopare los tous l.labios
qu’un día fonon añada melancólica
d’una batalla ensin empezare.